Төрийн аудитын тухай /шинэчилсэн найруулга/ хуулийг баталлаа 2020.05.01


2020.05.01. Өнөөдөр УИХ-ын Нэгдсэн чуулганы хуралдаанаар Төрийн аудитын тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн эцсийн хэлэлцүүлгийг хэлэлцэж, эцэслэн баталлаа. Хэлэлцүүлгийн явцад гишүүд асуулт, асууж, үг хэлсэнгүй.         

Төсвийн байнгын хорооноос оруулж ирсэн зарчмын зөрүүтэй нэг саналаар санал хураалт явуулж гишүүдийн олонх дэмжлээ.

Ингээд хуулийн төслийг бүхэлд нь дэмжих санал хураалтаар гишүүдийн 78 хувь нь дэмжсэнээр Төрийн аудитын тухай /шинэчилсэн найруулга/ хуулийг баталлаа.

УИХ-ын гишүүн Л.Энх-Амгалан Үндсэн хуулийн нэмэлт, өөрчлөлтийн дагуу Үндэсний аудитын газар Үндсэн хуулийн байгууллага боллоо. Хараат бус аудитын байгууллага болж ард түмний өмч хөрөнгийн нүд чих болох хууль эрх зүйн шинэ орчин үүсч байна. Шинэ хуулийн хэрэгжилтийг хангаж ажиллахыг Ерөнхий аудитор Занданбатад үүрэг болгож байна” гэлээ.